Pritej, që te “Demat e Kuq” të Partizanit, të rikthehej në formën e dikurshme, mirëpo për “fantazistin” e sulmit, Eros Grezda ka ndodhur komplet e kundërta, me 28-vjeçarin, që nuk arriti do të bëhej protagonist duke shënuar vetëm 1 gol, në 17 ndeshje e për këtë aryse i ka dhënë fund “aventurës” së tij, te kampionët në fuqi të Shqipërisë, pas vetëm 5 muajsh.
Njoftimi për largimin e Grezdës erdhi me anë të një postimi të bërë, në faqen zyrtare të klubit, në rrjetet sociale, ku “Të Kuqtë” e kryeqytetit treguan se palët kanë rënë dakord për të ndërprerë bashkëpunimin.
“Partizani njofton mbylljen e bashkëpunimit me Eros Grezdën. Sulmuesi 28 vjeçar dhe klubi kanë vendosur të ndërpresin me mirëkuptim kontratën mes palëve. Partizani falënderon Eros Grezdën për kontributin e dhënë gjatë kësaj periudhe me fanellën e kuqe”,- thuhet në njoftimin e klubit. /i.m /abcnews.al
SHIKONI POSTIMIN:
