Mesfushori i Interit, Davide Fratezi do të mungojë në ndeshjen e nesërme ndaj Salernitanës në Serinë A dhe ndaj Benfikës në Champions. Lajmi është bërë i ditur nga vetë klubi zikaltër.
“Davide Fratezi iu nënshtrua testeve klinike dhe instrumentale sot në Institutin Humanitas në Rozzano, pas lodhjes së muskujve. Testet nxorën në pah një tendosje të lehtë në përkulësit e kofshës së djathtë. Gjendja e mesfushorit do të rivlerësohet në ditët në vijim”, thuhet në raportin zyrtar mjekësor.
Le condizioni di Davide Frattesi 👇
— Inter (@Inter) September 29, 2023
Për ndeshjen kundër Salernitanës, Inzagi nuk do të ketë në disponim as Kuadradon, i cili është stërvitur veçmas, përveç Arnautoviçit dhe Sensit të dëmtuar.
PANORAMASPORT.AL
