Duket se Mançester Junajtid ka marrë më në fund një vendim lidhur me sulmuesin brazilian Antoni, i cili akuzohet për dhunë ndaj ish të dashurës së tij, Gabriela Kavalin.
Siç bëjnë me dije mediat angleze, klubi nuk do ta lejojë 23-vjeçarin që të rikthehet në stërvitje me skuadrën deri sa të përfundojnë hetimet.
Në një intervistë të dhënë, Kavalin i bëri thirrje “Djajve të Kuq” që t’i ndërpresin kontratën sulmuesit që erdhi në 2022 nga Ajaksi për 100 milionë euro, pasi veprimet e tij nuk ishin normale.
Duket se Junajtid ka qenë nën presion gjatë gjithë kësaj kohe, pasi po përsëritet e njëjta situatë si me Mejsën Grinvud, i cili përpara një viti u akuzua për të njëjtën gjë.
PANORAMASPORT.AL
