Mesfushori Leandro Paredes ka dhënë intervistën e parë që nga rikthimi i tij në Romë, teksa u ndal edhe tek mënyra se si erdhën negociatat. Gjithashtu argjentinasi foli edhe për shokun e tij në kombëtare, Paulo Dibala.
“Që në minutën e parë që Roma donte që unë të vija këtu, e zgjodha këtë ekip, këtë qytet dhe këtë klub sepse ishte për mua ndër më të rëndësishmit. Është ai që më solli në Europë dhe do t’i jem gjithmonë mirënjohës”.
Do të luani së bashku me Dibalën, çfarë ju ka thënë ai?
“Po, më merrte në telefon çdo ditë sapo mësoi se Roma më donte. Kam folur shumë me të, është i mrekullueshëm jo vetëm si futbollist por edhe si njeri. Është një shok i madh dhe do të jetë kënaqësi të ndajmë këtë vit së bashku”, u shpreh Paredes.
PANORAMASPORT.AL
