Trajneri i Francës, Didier Deschamps, ka mbrojtur kapitenin dhe yllin e tij, Kylian Mbappe, mes kritikave për paraqitjen e sulmuesit në Euro 2024.
Mbappe, 25 vjeç, shënoi vetëm një herë në turne – nga penalltia në ndeshjen e fundit të grupit kundër Polonisë. Deschamps zëvendësoi nënshkrimin më të ri të Real Madridit në kohën shtesë në fitoren e tyre çerekfinale ndaj Portugalisë me penallti, me Mbappe që tha se kishte kërkuar të largohej vetë.
Të dielën, në Telefoot në televizionin francez, trajneri i “Gjelave” u kujtoi kritikëve se çfarë ka arritur Mbappe.
“A nuk mendoni se ai tashmë ka bërë histori me atë që ka bërë deri më tani? Ai dëshiron më shumë,” tha Deschamps.
“Ne bëmë gjithçka që ishte e mundur me të, me stafin mjekësor, për të qenë këtu. Gjatë përgatitjes ai kishte edhe një problem me shpinën, por Kilian është këtu. Edhe nëse nuk është 100%, e di shumë mirë që për kundërshtarin është më e vështirë”, tha trajneri i Francës.
