Përveç Gatit dhe një portieri, trajneri i Italisë, kundërshtarit të parë të Shqipërisë në Euro 2024, duhet të largojë edhe dy lojtarë. Spaleti duhet të vendosë për ata që do të lërë në shtëpi para se të fluturojë për në Gjermani. “Do të jetë gjëja më e dhimbshme që do të bëj.
Në këtë moshë emocionohem pak”, ka thënë trajneri italian. Por shkurtimet janë të domosdoshme, lista do të reduktohet në 3 ose 4 elementë për të shkuar në 26-shen që kërkon UEFA. Për momentin në stërvitje janë 30 lojtarë, duke përfshirë edhe Gatin, që kori vendin e Açerbit të dëmtuar, por ai po stërvitet në Torino, një sinjal që tregon se është në dyshim. Një tjetër i përjashtuar do të dalë nga balotazhi mes portierëve Meret dhe Provedel.
DY VENDE NË LOJË – Mbeten dy emra për të zgjedhur në një listë, ku përfshihen Belanova, Orsolini, Xakanji, El Sharaui, Riçi dhe Folorunsho. Nga fjalët e trajnerit duket se lojtari i Veronës ka më shumë shanse të qëndrojë, ashtu si Faxholi, që ka karakteristika unike në grup.
Të tjerët? Varet edhe nga zgjedhjet taktike dhe situata që duhen ëprballuar. Janë shumë lojtarë krahu: Belanova mund të luajë edhe përpara dhe me vrapin e tij mund të jetë efikas në fundin e ndeshjeve; El Sharaui është lojtari më taktik; Xakanji më teknik; Orsolini ka istiktin e golit. Pastaj është Riçi, që ka peshë dhe gjeometri në mesfushë, në mesfushën e re mund të jetë shumë i vlefshëm. Gara është ende e hapur.
PANORAMASPORT.AL
