Barcelona ka nisur përgatitjet për sezonin e ri teksa kanë fluturuar drejt Amerikës ku janë programuar disa miqësore.
Pikërisht nga Los Anxheles, blaugranat prezantuan zëvendësuesin e Serxhio Buskets, Oriol Romeu. Mesfushori i ardhur nga Girona theksoi se përgatitet të nisë një nga sfidat më të mëdha në karrierën e tij ndërsa shtoi se është i lumtur të rikthehet në shtëpi duke qenë se është aktivizuar me ekipin e të rinjve të Barcelonës.
“Dua të theksoj se në këtë fazë të karrierës kam shumë vetëbesim. Për mua Barcelona paraqet një sfidë shumë entuziaste, por njëkohësisht edhe më të rëndësishmen për mua. Besoj që transferimi te Barcelona vjen në momentin më të mirë, dua të arrij objektivat dhe të ndihmoj skuadrën jo vetëm si lojtar, por edhe si një person i rëndësishëm për grupin jashtë fushës.
Emocionet dhe ndjesia janë të mrekullueshme. Pas shumë vitesh në klube të ndryshme, kam mundësinë të rikthehem në shtëpi dhe për mua nuk ka kënaqësi më të madhe”, u shpreh Romeu.
PANORAMASPORT.AL
