Nga sot më 23 deri më 27 prill 2025, në kryeqytetin e Malit të Zi do të zhvillohet një nga ngjarjet më të rëndësishme të sportit të xhudos, Kampionati Evropian për Senior.
Kosova në këtë garë do të përfaqësohet nga:
Distria Krasniqi (-52kg)
Laurine Gashi (-52kg)
Akil Gjakova (-73kg)
Dardan Cena (-73kg)
Në Kampionatin Evropian të Xhudos do të ketë pjesëmarrës nga 2 kontinente, 48 shtete, 414 garues, nga të cilët 229 meshkuj dhe 185 femra.
Distria Krasniqi dhe Laurine Gashi ndeshen sot, e mërkurë, kurse Akil Gjakova dhe Dardan Cena ndeshen të enjten.
Garuesit/Garueset kosovare kanë udhëtuar bashkë me trajnerin dhe selektorin Driton Kuka dhe trajnerin Fatos Tabaku.
