Federata e Brazilit më në fund ka zgjedhur se kush do të jetë trajneri i ri i “seleçao”. Të gjithë tashmë janë të ndërgjegjshëm që në stolin e kësaj përfaqësuese në Botërorin 2026 do të jetë Karlo Ançeloti, por në pritje që trajneri italian të lirohet nga Real Madrid, do të jetë një tjetër teknik që do të ulet në pankinën e latino-amerikanëve.
Sipas portalit “Globo Esporte”, Fernando Diniz do të zyrtarizohet së shpejti si trajneri i ri i Brazilit. Tekniku aktual i Fluminenses do të lejohet që të drejtojë paralelisht edhe klubin e tij, edhe kombëtaren gjatë 12 muajve të ardhshëm.
Kështu, mbyllja e marrëveshjes së tij, do të përkojë edhe me atë të Karlo Ançelotit me Real Madrid, duke i hapur rrugë trajnerit italian në korrikun e vitit 2024 për t’u ulur në pankinën e Brazilit dhe për të nisur një aventurë që të gjithë e presin me shumë kuriozitet.
PANORAMASPORT.AL
