Pas gati 15 vitesh në krye të kombëtares së Francës, Didier Deschamps, do të largohet nga “Gjelat” në përfundim të Kupës së Botës 2026.
Në një intervistë të fundit ku është përgjigjur pyetjeve të shumta të tifozëve francezë, Deschamps foli për të ardhmen e tij pas Kupës së Botës 2026. Për momentin, Deschamps këmbëngul se nuk ka marrë asnjë vendim.
“Trajner klubi apo trajner i një ekipi tjetër kombëtar? Nuk e di, nuk kam vendosur asgjë, kam lirinë, kam disa mundësi. President i FFF-së? Jo.
Po i jap vetes kohë sepse, sepse deri në verë kam mjaftueshëm kohë për të vendosur. Pas Kupës së Botës, do ta shohim. Nuk po përjashtoj asgjë, jam natyrshëm pozitiv dhe i them vetes se me siguri aventura e re do të jetë ndryshe, por do të jetë e mirë”, tha Deschamps.
