Krijimi i raporteve fantastike me lojtarët është një nga pikat më të forta të Carlo Ancelottit, prej vitesh një nga personazhet më të dashur dhe popullorë.
Përtej sukseseve, fitoreve dhe trofeve të shumtë, që e kanë shndërruar 64-vjeçarin italian në një legjendë të trajningut.
Modesti, batuta, energji pozitive dhe aftësi unike në karikimin e lojtarëve, heqjen e presionit dhe krijimin e një ndjesie të bukur.
Të gjithë e duan dhe deri tani asnjë lojtar apo ish-lojtar nuk ka folur keq për trajnerin e Realit të Madridit.
Eduardo Camavinga është në kërkim të golit të parë sezonal me “Los Blancos”. Dhe kur të vijë, tifozët e Realit do të shijojnë një festë të veçantë të tij dhe trajnerit.
”Carlo Ancelotti më ka premtuar se kur të shënoj do ta festojmë bashkë golin duke kërcyer. Nuk e di se kur, por ai do të kërcejë”, u shpreh duke buzëqeshur 21-vjeçari francez.
