Real Madrid ka pritur prej disa javësh për të vendosur mbi të ardhmen e pankinës, sepse, siç e dimë të gjithë, vazhdimësia e Carlo Ancelottit është bërë mjaft e komplikuar.
Skuadra “Merengue” në fakt e ka përjashtuar këtë mundësi, përveçse në rast të një mrekullie të papritur në La Liga, dhe gazeta “AS” sapo ka publikuar një përditësim.
Pavarësisht se Jorge Jesus u shkarkua në Arabinë Saudite dhe ishte rivali më i madh, kjo media konfirmon se CBF, e udhëhequr nga Ednaldo Rodrigues, ende e pret italianin.
Ai ka pranuar kushtet për të drejtuar “Canarinha”, duke pritur vetëm për zgjidhjen e largimit të tij nga “Los Blancos”.
Pas finales së Copa del Rey, largimi i tij u konsiderua i sigurt dhe i menjëhershëm, por tani duket se italiani do të qëndrojë deri në fund të sezonit në La Liga.
“Marca” këmbëngul sot se Santiago Solari do të jetë trajneri për Kupën e Botës për Klube, dhe klubi tashmë ka marrë njoftimin për këtë çështje.
Kombëtarja braziliane ka vetëm Ancelottin si opsion të mundshëm dhe do të vazhdojë ta presë edhe për disa javë të tjera.
Bëhet me dije se Ancelotti do t’i bashkohet Brazilit, menjëherë pas përfundimit të sezonit në La Liga me Real Madridin.
Ndërkohë, në Chamartín janë të qartë se Xabi Alonso është i përzgjedhuri për sezonin e ardhshëm, dhe në këtë rast “Relevo” sjell disa detaje të reja.
Klubi gjerman, Bayer Leverkusen po planifikon pa të, duke pritur që ai të shpallë vendimin e tij, që thuhet të jetë pas përfundimit të Bundesligas.
