Më 18 tetorin e kaluar, futbollisti argjentinas, Papu Gomez, u skualifikua për dy vjet nga autoriteti spanjoll antidoping (deri më 18 tetor 2025).
Sulmuesi u dënua për marrjen e terbutalinës, një substancë e ndaluar. Në ditët pas rezultatit pozitiv të analizave, lojtari u mbrojt duke deklaruar se e kishte marrë substancën në mënyrë të pavullnetshme përmes një shurupi të përdorur nga fëmijët e tij. Tani, një muaj pas skualifikimit, argjentinasi dhe avokatët e tij ia kanë vënë fajin gruas së tij.
Lojtari dhe avokatët e tij e kanë apeluar menjëherë skualifikimin dhe në këto orë, siç raporton Relevo, synimi është që ta kalojë të gjithë përgjegjësinë mbi gruan e tij.
Linda Raf konsiderohet fajtore se i ka dhënë lojtarit të Monzës shurupin e kollës, që përmban substancën e inkriminuar. Një shurup që ishte blerë pak kohë më parë për djalin e tij.
Kësisoj Papu Gomez do të apelojë në nenin 10.5 të Kodit Botëror Anti-Doping.
Neni lejon anulimin e skualifikimit në rast të mungesës së fajit ose neglizhencës. Për momentin është e vështirë të përcaktohet nëse kjo strategji e veçantë mbrojtëse do të pranohet apo jo. Sepse nuk bëhet fjalë për ushqime apo pije të gëlltitura në mënyrë të pavullnetshme, por në çdo rast për një ilaç.
PANORAMASPORT.AL
