Domgjoni i bashkohet Ballkanit

Ish-futbollisti i Kosovës, Toni Domgjoni, i është bashkuar Ballkanit.

Lajmin e ka bërë të ditur të martën klubi suharekas.

Mesfushori Domgjoni ka qenë pa klub që nga muaji nëntor i vitit të kaluar. Së fundi ishte pjesë e klubit nga Malajzia, Selangor.

Si futbollist është zhvilluar te Zurichu. Pjesë e skuadrës së parë te Zurichu ishte nga viti 2018 deri në vitin 2021.

27-vjeçari Domgjoni ka katër ndeshje të zhvilluara me “Dardanët” dhe një gol të realizuar. Ndërsa ka paraqitje edhe me Zvicrën U18, U19, U20 dhe U21.

Ballkani e mbylli stinorin vjeshtor në vendin e parë. Synon ta kthejë titullin kampion në Suharekë.

Të kaluar Domgjoni ka edhe te Vitesse dhe Koperi.