Ka përfunduar ndeshja e parë gjysmëfinales së dytë të Ligës së Kampionëve mes Borussia Dortmundit dhe Paris Saint-Germain, ku vendasit kanë shënuar fitore si vendas.
Pas më shumë se 90 minutave lojë të zhvilluara në stadiumin “Signal Iduna Park”, Dortmundi e ka kryer misionin si vendas, pasi që e ka mposhtur PSG-në me rezultat minimal 1:0.
Golin e vetëm të ndeshjes e shënoi Niclas Fullkrug, i cili ia siguroi fitoren Dortmundit në pjesën e parë në minutën e 36’.
Asgjë nuk ka përfunduar sa i përket skuadrës që kalon në finale, ndërsa ndeshja e kthimit do të zhvillohet “Parc des Princes” më 7 maj me fillim nga ora 21:00.
Rezultati final i ndeshjes, 1:0 në favor të Borussia Dortmundit.
Teilen:
