Borussia Dortmundi ka shënuar një fitore shumë të rëndësishme në rrugën e tyre drejt titullit kampion në Bundesliga.
“Milionerët” triumfuan 0:3 në udhëtim te Augsburgu në stadiumin “WWK Arena”, shkruan lajmi.net.
Sebastian Haller ishte heroi i Borussia Dortmundit në këtë fitore duke realizuar dy gola.
Haller hapi serinë e golave në minutën e 59-të, për ta shënuar më pas edhe golin e dytë në minutën e 84-të.
Brant i dha goditjen e fundit nikoqirëve me golin e tretë në minutën e tretë shtesë të përballjes.
Në fakt, gjërat për Augsburgun u vështirësuan në minutën e 38-të kur Uduokhai u përjashtua me karton të kuq direkt.
Falë kësaj fitore Dortmundi ngjitet në pozitën e parë me 70 pikë, dy më shumë se Bayern Munich kur ka mbetur vetëm edhe një javë deri në fund të kampionatit.
Augsburg mbetet i 14-ti me 34 pikë gjithsej./Lajmi.net/
