Portieri 19-vjeçar i Union Berlinit, Berkin Arslanogullari, po kalon një moment shumë të vështirë. Adoleshenti iu nënshtura një operacioni të domosdoshëm (iu pre këmba) për t’i shpëtuar jetën në luftën kundër kancerit të kockave.
Klubi gjerman ka bërë thirrje që t’i vihet në ndihmë financiarisht tashmë ish-futbollistit, pasi duhen rreth dy milionë euro për kurimin e mëtejshëm të tij, ndërkohë që “prindërit e tij nuk mund të shkojnë më në punë”.
Lojtari 19-vjeçar i klubit të Bundesligës u diagnostikua me sëmundjen e rëndë disa muaj më parë dhe që atëherë ka filluar “kimioterapinë intensive”.
Trajtimi farmakologjik nuk mjaftoi dhe mjekëve nuk iu mbeti gjë tjetër veçse t’i prisnin këmbën e majtë mbi gju. Tani rruga e jetës është edhe më e përpjetë për të riun gjerman me origjinë turke, të cilit i duhen nja dy milionë për të ecur përpara në gjendjen e tij të re. Për këtë qëllim ka nisur një mbledhje fondesh, e cila tashmë ka tejkaluar shifrën 120 mijë euro.
