Final Four ka ndryshuar totalisht këtë sezon të Superiores. Formati i ri zeron pikët e 4 skuadrave të para të cilat në fund të sezonit do të përballen me njëra-tjetrën me eliminim direkt.
Ky format në një formë apo në tjetrën “heq nga fjalori” fjalën ‘Favorit’. Egnatia është skuadra e cila ka kryesuar bindshëm pjesën më të madhe të sezonit dhe në një kampionat ‘normal’, titulli kampion do të ishte i ‘blinduar’.
Megjithatë, drejtori i rrogozhinasve s’ka dyshime për produktin final.
Me një postim në InstaStory, ai ndan një shprehje të famshme të Mourinhos i cili gjatë kohës kur drejtonte Porton thonte:
Në kushte normale, ne do të jemi kampionë.
Dhe, në kushte jonormale, ne përsëri do të jemi kampionë.
Teilen:
