Të zëvendësosh Txiki Begiristainin, krahun e djathtë të Pep Guardiolës për 12 vjet dhe një mik i ngushtë personal, është një detyrë e vështirë në vetvete. Por puna e re bëhet akoma e vështirë, duke i shtuar mbikëqyrjen e rinovimit masiv të një klubi që ka dominuar për gati një dekadë? Kjo mjafton për të të kërcitur gjunjët.
Kur Viana të nisë zyrtarisht punën në qershor, si drejtori i ri sportiv i Sitit, ai do të jetë përgjegjës për rindërtimin e skuadrës së ardhshme, po aq sa Guardiola. Pothuajse gjysma e skuadrës që fitoi një rekord prej katër titujsh radhazi, po i afrohet largimit. Kajl Uoker u largua, Ilkai Gyndoan duket se është në sezonin e tij të fundit dhe dyshime të mëdha ka mbi Kevin de Bryjnen, Edersonin, Xhon Stonsin dhe Bernardo Silvën.
Nevojitet një operacion urgjent dhe i madh. Disa dyshojnë nëse vetë Guardiola do të qëndrojë për dy vitet e mbetura të kontratës së tij. Viana, një nga mesfushorët më elegantë, përballet me një mision kaq të vështirë, sa shumë do të shtrëngoheshin mirë përpara se të bënin “check-in”.
E SHKUARA – Por shefi i ri vjen nga Sportingu dhe ai e di se si është të hysh në një klub në rrëmujë të vërtetë. Dy muaj përpara se Viana të shkonte në Lisbonë, në gusht 2018, tifozët e tërbuar hynë në qendrën stërvitore pasi nuk shkuan në Ligën e Kampioneve, duke sulmuar lojtarët dhe stafin.
Shtatë lojtarë, duke përfshirë katër nga skuadra e Portugalisë që mori pjesë në Kupën e Botës, ndërprenë kontratat e tyre, edhe pse Bruno Fernandesh më vonë qëndroi. Ishte një klub në kaos. Por syri i Vianës për të pikasur talentet në merkato solli një dopietë kupash vendëse në sezonin e tij të parë dhe titullin e parë pas 19 viteve në sezonin pasardhës.
Por ai ishte edhe i pamëshirshëm, ndërsa u shkarkuan tre trajnerë në 15 muaj, përpara se të vihej një bast për një trajner të paprovuar që vinte nga Braga, Ruben Amorim. I dyti prej tyre ishte Zhorzh Manuel Rebelo Fernandesh, i njohur për tifozët e Uolvesit si Silas, i cili bëri vetëm 14 paraqitje në tri vite për t’u harruar në “Molineux”.
PANORAMASPORT.AL
