Elbasani – Vllaznia është një nga duelet e javës së 35-të të kampionati, takim që do të luhet ditën e shtunë në orën 15:30 në “Elbasan Arena”.
Një sfidë shumë e rëndësishme për objektivat e skuadrave, ku verdheblutë do të tentojnë deri në fund një vend në Final – Four, ndërsa nga krahu tjetër shkodranët kërkojnë vendin e parë në klasifikim, pozicion që mbahet nga Egnatia.
Por në “Elbasan Arena” nuk është vetëm një përballje mes Elbasanit dhe Vllaznisë, por ka një duel brenda duelit. Ivan Gvozdenovic përballë Thomas Brdaric, me dy timonierët që do të luftojnë “kokë më kokë” për fitoren.
Një përballje mes tyre që premton spektakël, pasi nëse shikojmë statistikat e dueleve direkte mes tyre vëmë re që janë “identikë”. Kështu në 8 ndeshje që kanë luajtur përballë njëri –tjetrit kanë marrë nga 3 fitore dhe 2 herë janë ndarë në barazim.
