Milani humbi ndaj Realit në miqësoren e “luksit” që të dyja skuadrat zhvilluan në Pasadena. Gjithsesi tekniku i kuqezinjve, Stefano Pioli duket i lumtur për paraqitjen e lojtarëve të tij në këtë përballje.
“Më pëlqeu shumë ky Milan. Lojtarë të fortë kanë mbërritur: Loftus-Çik, Pulisiç, Reijnders, më pëlqen se si po përshtaten kaq mirë. ata do të na lejojnë ne të bëjmë një lojë akoma dhe më shumë teknike, akoma dhe më shumë futboll ofensivë. Pas 10 ditësh kam parë gjëra interesante, për shembull se si jemi munduar të luajmë me topin.
Luka Romero? Ai bëri një lojë mjaft të mirë, jo vetëm te goli, por në përgjithësi.
Simiç titullar? Ai e zbuloi vetëm sot se do të luante dhe bëri një punë mjaft të mirë.
Okafor është një sulmues që bën shumë role. Është i ri por ka treguar vlerën e tij. ai ka gjuajtjen, shpejtësinë, një kundër një. Për mua ai mund të luajë si sulmues qendre ose i majtë. Gjithsesi do të jap një opinion të vërtetë vetëm kur ta shikoj në stërvitje.
Çukvueze? Për sa kohë nuk janë në drejtimin tim, unë nuk do të jap komente”, përfundoi Pioli.
PANORAMASPORT.AL
