Duhej të ishte një derbi mes shqiptarësh, por në sfidën Sasuolo-Leçe vetëm njëri e ka nisur si titullar dhe luajti 45 minuta. Leçe triumfoi në transfertë ndaj Sassuolos me rezultatin e thellë 0-3.
Një disfatë e rëndë për skuadrën ku aktivizohen Nedim Bajrami dhe Marash Kumbulla që rrezikon seriozisht mbijetesën në Serie A. Bajrami luajti në 45-minutat e para për t’u zëvendësuar më pas me fillimin e pjesës së dytë. Nga ana tjetër, nuk pati minuta për Marash Kumbullën.
Sakaq, për Leçe mungoi Ylber Ramadani si pasojë e një dëmtimi ndërsa po ashtu i gatshëm nuk ishte as Kastriot Dermaku teksa lojtari i Shpresave, Medon Berisha u aktivizua në minutën e 75-të.
PANORAMASPORT.AL
