Pas barazimit 1-1 në Dortmund në ndeshjen e parë, sot në Francë do të luhet ndeshja e kthimit në Ligën e Kampionëve mes Lillës dhe Borussia Dortmund. Skuadra berdhezi do të kërkojë kualifikimin, për t’i dhënë sadopak kuptim një sezoni zhgënjyes.
Trajneri Niko Kovaç foli në një konferencë për shtyp, duke komentuar reagimin e tifozëve të tërbuar pas fishkëllimës së fundit të ndeshjes së fundit në kampionat, ku u mund 0-1 nga Augusta.
“Reagimi i tifozëve tanë pas ndeshjes ndaj Augustës ishte plotësisht i kuptueshëm. Duhet ta pranojmë: tifozët tanë kanë një sens shumë të mirë gjykimi dhe ajo ditë ishte e duhura”, tha Kovaç, që foli edhe për gjendjen e Karnejt.
“Ai është në dispozicion, është rikuperuar plotësisht.
Nuk ka kapacitet për të luajtur 90 minuta, por shpresoj se mund të luajë 20-30 minuta”.
Duke folur për incidentin që pati mes disa lojtarëve në stërvitje dhe tonët e larta që ai përdori para skuadrës, Kovaç theksoi qartë.
“Isha shumë i qartë dhe i drejtpërdrejtë me djemtë, mendoj se ishte e nevojshme pas ndeshjes kundër Augustës. Ishte e rëndësishme të mpreheshin shqisat.
Duhet të tregojmë një fytyrë tjetër sot ndaj Lillë kur të tingëllojë himni i Champions League. Dhe unë jam i bindur se ne mund ta bëjmë atë”, tha Niko Kovaç.
