Presidenti i Federatës Shqiptare të Futbollit (FSHF), Armand Duka ka thënë se do të preferonte që shorti për Euro 2024 në vazon e tretë, Shqipërisë t’i takonte që të përballej, ose me skuadrën sllovene, ose me atë serbe.
I pyetur nga gazetari Blendi Fevziu në “Opinion” në Tv Klan se pse do të preferonte një ndeshje kundër Serbisë, Duka ka thënë se nuk i shikon si një ekip shumë i fortë në futboll në krahasim me skuadrat e tjera në këtë vazo.
“Nga ato skuadrat e vazos së parë që më pëlqen aty është Gjermania. Jo vetëm që bëjmë ndeshjen hapëse, por mund të luajmë më mirë futboll kundër Gjermanisë se sa kundër atyre 5 tjerave, nuk më duket në momentin më të mirë Gjermania. Ata janë shumë të forta të gjitha prandaj. E ke të vështirë t’i zgjedhësh dhe me dorë, kështu që çfarëdo që të sjellë shorti. Nëse do t’i zgjidhje me dorë, unë do të preferoja Gjermaninë tek vazo e parë, Slloveninë ose Serbinë tek vazo e tretë”, tha Duka.
I pyetur nëse do të ftohet ndonjë lojtar i ri në “Euro 2024”, Duka përmedi futbollistë me shumë potencial që luajnë në grupmosha të Kombëtareve të tjera.
“Mund të ftohet ndonjë në Kombëtare ndonjë top-futbollistë së shpejti ose në të ardhmen. Ka lojtarë që luajnë në grupmosha të Gjermanisë së Gruda ose Hasa në Itali. Ne jemi të hapur të gjithë”, theksoi Duka, përcjell lajmi.net.
Brajan Gruda luan me Gjermanisë U21 dhe Mainzin në Gjermani.
Luis Hasa aktivohet me Italinë U19 dhe të rinjtë e Juventusit.
