Vlahoviq dhe Chiesa janë në prag të konfirmimit në formacionin startues të Juventusit, edhe pse Allegri ngriti disa pikëpyetje në prag të ndeshjes kundër Sassuolo: “Duhet t’i vlerësoj, Vlahoviq kishte dhimbje shpine, ndërsa Federico një përkulës të lodhur. Në çdo rast Milik dhe Kean janë mirë”.
“Pas 112 skuadrave (formacione startuese) në po aq drejtime të “Allegri 2”, – nënvizon edicioni i sotëm i torinezes “Corriere della Sera”, – megjithatë po shkojmë drejt konfirmimit të 11-shes që likuidoi Lazion. Do të ketë kohë për rotacione të martën, në shtëpi kundër Lecce”.
Megjithatë, për të parë lavditë e vjetra bardhezi dhe më shumë, takimi është caktuar për më 10 tetor (20:30) në “PalaAlpitour”. Klubi i Juventusit në fakt ka vendosur të festojë 100-vjetorin e tij të parë, të presidencës së Agnellit, me eventin “Together, a Black & White Show”, i cili do të kulmojë me një ndeshje të luajtur nga legjendat më të rëndësishme të Juventusit.
Do të jetë një paradë e vërtetë yjesh, me disa emra të mëdhenj të kalibrit të Platini, Conte, Zidane, Del Piero, Ravanelli, Davids, Marchisio, Pirlo dhe Mandzukic.
