Torino është një nga skuadrat që po kërkon përforcime në mbrojtje në prag të sezonit të ri. Ndër emrat që drejtori sportiv Vagnati po vlerëson për të forcuar ekipin e Marco Baronit është ai i Ardian Ismajlit.
Sipas “Tuttosport”, lojtari shqiptar, i ndjekur gjithashtu nga Bologna dhe Verona, përfaqëson një mundësi të mirë për klubin “granata”, pasi është një lojtar i lirë.
Mbrojtësi i kombëtares shqiptare shkëlqeu me fanellën e Empolit sezonin e kaluar, por me rënien e skuadrës toskane në Serie B, po kërkon një aventurë të re në karrierë. Përveç klubeve italiane, Ismajli synohet edhe nga disa klube turke.
Teilen:
