Romelu Lukaku po përgatitet për sezonin e ri dhe kur shumë futbollistë janë në pritje të stërvitjeve me skuadrat, ai ka vendosur që të stërvitet më vëllain e tij, Xhordanin në Sardenja. E ardhmja e Lukakut është ende e paqartë megjithatë belgu kërkon të jetë gati pasi fjalën e tij dhe dëshirën e ka shprehur hapur… do të mbetet te Interi.
Si duket, kjo dëshirë e Lukakut mund të realizohet duke qenë se këtë javë pritet që të ketë një takim mes palëve. Mediat italiane raportojnë se drejtori sportiv i Interi, Piero Ausilio do të udhëtojë në drejtim të Milanos gjatë kësaj jave për të takuar drejtuesit e Çelsit dhe për të gjetur një zgjidhje për Lukakun.
Tashmë vetë Poçetino që e pat kërkuar të rikthehej, duket se është dorëzuar pasi Çelsi ka afruar në sulm Nkunkun dhe Xheksonin. Blutë e Londrës kërkojnë për shërbimet e Lukakut rreth 40 milionë euro ndërkohë që Interi synon ta mbyllë këtë operacion për më pak se 30 milionë.
PANORAMASPORT.AL
