E ardhmja e Victor Osimhen në Napoli mbetet e pasigurt pavarësisht mesazhit të tij të fundit në Instagram, ku sulmuesi nigerian shprehu dashurinë për tifozët, por jo dhe klubin.
Osimhen theu heshtjen e tij të dielën pas një jave të mbushur me polemika, duke filluar nga përplasja me trajnerin, Rudi Garcia.
Po ashtu agjenti i tij, Roberto Calenda, të kërcënonte të padiste Napolin për një video të TikTok që në dukje tallte klientin e tij.
Reprezentuesi i Nigerisë shkroi të dielën se ai “nuk do të lejojë askënd” të vijë mes tij dhe tifozëve të Napolit, duke përsëritur se njerëzit nga Napoli e kanë mbështetur gjithmonë atë gjatë kohës së tij në klub.
Sidoqoftë, La Gazzetta dello Sport dhe Il Corriere dello Sport theksojnë se Osimhen e injoroi Napolin dhe nuk e përmendi të ardhmen e tij në “Stadio Maradona”.
Kontrata e sulmuesit përfundon në qershor 2025 dhe agjenti i tij ende nuk ka arritur një marrëveshje për rinovim, pavarësisht negociatave prej muajsh.
Sipas të dy gazetave sportive, kjo do të thotë se Osimhen është ende i mërzitur me klubin, kështu që shitja e tij në fund të sezonit mbetet një opsion./Lajmi.net/
