Një lajm i bujshëm është publikuar ditët e fundit në mediat italiane sa i përket merkatos së Juventusit. Kalidu Kulibali është gati të rikthehet në Europë dhe dëshiron ta bëjë këtë gjë me Juventusin. Në Itali po flitet se agjenti i ish-mbrojtësit të Napolit, Fali Ramadani ka folur me drejtuesit e “Zonjës së Vjetër” për mundësinë e një transferimi në Torino.
Dera është e hapur për të, por te Juventusi po marrin kohën e nevojshme, pasi duan të investojnë te një mbrojtës i ri dhe jo te Kulibali.
Ky i fundit ka një eksperiencë të madhe në Itali, madje ka qenë një nga mbrojtësit më të rëndësishëm, por transferimi në Arabi ka bërë që të “harrohet” nga klubet e tjera. Tashmë Xhuntoli dhe Mota po shqyrtojnë opsionin për të sjellë në Torino Kulibalinë, duke parë se janë edhe në një situatë emergjence.
PANORAMASPORT.AL
