E bujshme nga Rusia, ish-ndihmësi i Luis Enriques shkarkohet për faj të ChatGPT

Robert Moreno, një trajner spanjoll i njohur si asistenti i Luis Enriques dhe për një periudhë të shkurtër si trajner i Spanjës në vitin 2019, është shkarkuar për… “abuzim me Inteligjencën Artificiale”.

Kjo u zbulua për mediat ruse nga Andrei Orlov, ish-drejtor i përgjithshëm i FC Sochi, i cili e ndërpreu kontratën me trajnerin në shtator 2005 për shkak të rezultateve zhgënjyese (ekipi ra nga kategoria nën udhëheqjen e tij), por mbi të gjitha sepse Moreno dyshohet se u mbështet tërësisht te Inteligjenca Artificiale për të trajnuar.

Formacionet, zëvendësimet, vendimet për merkaton si ato të sulmuesit kazak Artur Shushenachev (10 paraqitje dhe asnjë gol), metoda të reja dhe jokonvencionale motivimi dhe më shumë: Orlov e përshkroi Morenon si një ndjekës të zjarrtë të inteligjencës artificiale, një besim i verbër që e çoi atë të merrte vendime që kufizoheshin me absurdin…

Si kur dyshohet se i besoi ChatGPT të gjithë planin e udhëtimit dhe përgatitjes për një udhëtim në Khabarovsk që do t’i kishte detyruar lojtarët të qëndronin zgjuar për 28 orë rresht: “Gjithçka dukej perfekte,” tha Orlov, “por pyesja veten se kur do të flinin.”

Sipas Orlov, ChatGPT ishte bërë mjeti kryesor i Morenos për punë dhe kjo qasje do ta kishte tjetërsuar dhomën e zhveshjes, duke çuar në një prishje të besimit dhe, në mënyrë të pashmangshme, në shkarkimin e tij.