Ngjarjet e 17 marsit rrezikojnë ta çojnë Fenerbahçen drejt një vendimi historik. Pas fitores si mysafir ndaj Trabzonspor, lojtarët e skuadrës së Stambollit në fakt u sulmuan nga disa tifozë të dhunshëm vendas, të cilët arritën të futen në fushën e lojës në firshëllimën e fundit të gjyqtarit. Incidenti u dënua publikisht nga Xhani Infantino, president i FIFA-s, ndërsa autoritetet turke arrestuan të paktën 12 persona.
Fenerbahçe ka thirrur një Asamble të Përgjithshme të jashtëzakonshme për të martën e ardhshme më 2 prill për të vendosur të ardhmen e klubit që militon në elitën e futbollit turk. Episodi i dhunshëm në fakt do të kishte bërë që drejtuesit të konsideronin pjesëmarrjen e tyre në kompeticion, i cili e sheh Fenerbahçen aktualisht të dytin me dy pikë pas Galatasaraj.
Akoma nuk dihet ende nëse ky vendim do të merret apo jo, por siç duket, klubi i Fenerbahçes nuk do ta kapërdijë lehtë këtë situatë, dhe madje nuk e ka problem as që ta mbyll me kaq rrugëtimin e saj në Superligën Turke.
PANORAMASPORT.AL
