Pas barazimit 2-2 kundër Bayernit në javën e tretë të fazës së ligës së Champions League, mesfushori i Arsenalit, Declan Rice, e veçoi sulmuesin e skuadrës bavareze – dhe shokun e tij në kombëtare – Harry Kane, si favoritit kryesor për të fituar “Topin e Artë” (Ballon d’Or).
“Ai është fituesi i padiskutueshëm. Statistikat e tij flasin vetë; viti që ka kaluar ka qenë i jashtëzakonshëm. Kur luan përkrah tij, e kupton se sa i mirë është, ndërsa kur luan kundër tij, sheh se sa i vështirë mund të jetë për t’u përballuar.
“Është një ‘përbindësh’ – një lojtar jashtëzakonisht i fortë. Kam fat që luaj me të, ndonëse ndoshta kam pak më pak fat kur më duhet ta kem kundërshtar,” deklaroi Rice.
Ceremonia e ndarjes së çmimit “Topi i Artë” do të zhvillohet më 26 tetor në Londër. Kjo vendndodhje nuk është e rastësishme; ajo nderon edicionin e parë të këtij çmimi, i cili u fitua nga Stanley Matthews. Ceremonia do të fillojë në orën 21:00.
Çdo anëtar i jurisë zgjedh dhe voton për 10 lojtarë nga një listë e ngushtë prej 30 kandidatësh. Në juri bëjnë pjesë gjithashtu anëtarë të stafit editorial të “L’Equipe” dhe ambasadorë të UEFA-s (Figo dhe Capello për çmimin e meshkujve). Çmimi i jepet individit që merr numrin më të lartë të votave.
