Derbi më i madh në futbollin e Kosovës ndërmjet Gjilanit dhe Dritës do të zhvillohet këtë fundjavë, në kuadër të javës së 17-të.
Sfida e rivalëve të përjetshëm do të zhvillohet të dielën, në stadiumin me bari sintetik në Gjilan, me fillim nga ora 13:00, shkruan lajmi.net.
Për dallim nga derbi paraprak që u zhvillua në Lipjan, ky derbi do të zhvillohet në “shtëpinë” e dy skuadrave, me Gjilanin nikoqir.
Lajmin e ka konfirmuar edhe faqja zyrtare e klubit kuqebardhë në Facebook.
“Ska si n’shpi” – ka shkruar në postim SC Gjilani.
Gjilani është në vendin e shtatë me 17 pikë, ndërkaq Drita zë vendin e dytë me 28 pikë gjithsej./Lajmi.net/
