Frenk Kesi nuk do të rikthehet në Serinë A. Pavarësisht se Juventusi e kërkonte me çdo kusht ta kishte në skuadër dhe negociatat kishin avancuar goxha, duket se gjërat kanë ndryshuar në momentet e fundit dhe tashmë e ardhmja e mesfushorit është Arabia Saudite.
Eksperti i merkatos, Fabricio Romano raporton se Barcelona ka arritur akordin me Al Ahli për transferimin e mesfushorit në kampionatin arab. Al Ahli do të paguajë shumë e 15 milionë eurove për kartonin e lojtarit, ndërkohë që është arritur verbalisht edhe akordi me vetë futbollistin.
Ai do të firmosë një kontratë 3 vjeçare, deri në vitin 2026. Kesi pritet të paguhet rreth 20 milionë euro në sezon në kampionatin arab, teksa ditët në vijim do të udhëtojë për të kryer vizitat mjekësore dhe më pas do të firmosë kontratën me klubin e ri.
PANORAMASPORT.AL
