Është arritur marrëveshja mes Njukasëllit dhe Milanit për Sandro Tonalin. Lajmi është bërë i ditur nga gazetari italian, Fabrizio Romano.
“Ekipi anglez do të paguajë tarifën prej 70 milionë euro për të përfunduar marrëveshjen formale siç dëshironte AC Milan.
Marrëveshja do të përfshijë gjithashtu klauzolën e shitjes me vlerë 10%. Tonali ka rënë dakord për kushtet personale të kontratës deri në qershor 2029 teksa paga do të jetë 7 milionë euro plus 2 milionë euro neto në vit.
Kështu Tonali bëhet shitja rekord për një lojtar italian, shitja e 5-të më e madhe në historinë e Serie A dhe shitja e parë më e madhe nga AC Milan, më shumë se Rikardo Kaka”, shkruan ai në një postim në profilin e tij në Instagram.
PANORAMASPORT.AL
