Leo Mesi nuk do të jetë as lojtar i Barcelonës dhe as i Al Hilal në Arabinë Saudite, por së shpejti do të transferohet në Amerikë. Lajmi bëhet i ditur nga Marca që raporton se sulmuesi argjentinas ka pranuar ofertën e Inter Majemit dhe së shpejti pritet që të firmosë kontratën.
“Marca” raporton se Mesi nuk është bindur nga milionat për të shkuar në Arabi, duke marrë parasysh jetesën që duhet të bëjë atje. Nga ana tjetër, presioni që do të ketë nëse firmos me Barcelonën, mund ta lodhë dhe Amerika është zgjedhja ideale për momentin.
Kështu, ai do të firmosë në MLS që pavarësisht që nuk ka kualitetin dhe cilësinë e Europës, bëhet fjalë për një kampionat që në vitet e fundit ka tërhequr mjaft yje nga Europa. Jeta në Amerikë dhe fakti që mund të flitet edhe spanjisht në shumë vende, e bën më të lehtë jo vetëm për Mesin por edhe për fëmijët e tij.
PANORAMASPORT.AL
