Stivën Xherard u emërua pak ditë më parë në krye të Al Etifaq, skuadër në Arabinë Saudite. Ish-mesfushori i Liverpulit nuk ka kohë për të humbur dhe ka nisur menjëherë nga merkatoja e verës, duke arritur të sigurojë akordin me një lojtar me mjaft potencial.
Eksperti i merkatos, Fabricio Romano raporton se klubi ka arritur marrëveshjen me Xhordan Henderson. Kapiteni i “The Reds” ka kontratë me klubin deri në verën e vitit 2025 dhe vlera e tij në treg arrin në 10 milionë euro, por anglezët kërkojnë 20 milionë për të lënë të lirë kapitenin.
Tashmë mbetet të shihet nëse arabët do të jenë të gatshëm të plotësojnë kërkesën e Liverpulit, duke ditur se dëshira e lojtarit është që të largohet në Arabi, për t’u bashkuar me Xherardin.
PANORAMASPORT.AL
