Trajneri gjerman, Hansi Flick, ka treguar se nuk shkel mbi rregullat që vendos në zhveshtoren e Barcelonës.
Sipas mediave spanjolle, Flick ka lënë jashtë formacionit zyrtar një nga lojtarët më të rëndësishëm tek Barcelona, Raphinhan. Kjo, pasi që ylli brazilian është vonuar në stërvitjen para ndeshjes me Valencian.
Kjo mund t’i shërbejë edhe si pushim Raphinhas, meqë Barcelona pritet të përballet të mërkurën me Newcastle United në kuadër të Ligës së Kampionëve.
Sot ka risi në formacionin e Barcelonës, ku do të startojnë emra si: Marcus Rashford, Gerard Martin dhe Roony Bardghji.
Barcelona do të luajë ndeshjen e parë në shtëpi kundër Valencias nga ora 21:00.
Kjo nuk është hera e parë që Flick penalizon lojtarët për arsye vonesash. Mbrojtësi i krahut, Jules Kounde, është lënë dy herë jashtë formacionit si shkak i vonesave në seanca stërvitore.
