E PAMUNDSHME! “Super Pippo” Inzaghi humb rastin që dikur e kthente në GOL

Inzaghi mori pjesë të shtunën në mbrëmje në “Legends Game”, të organizuar nga Palermo në stadiumin Renzo Barbera, në nder të ish-yllit të klubit, Fabrizio Miccolit.

Në sfidë morën pjesë disa emra të njohur të futbollit italian, mes tyre Federico Balzaretti, Josip Iličić, Amauri dhe ish-sulmuesi legjendar i Milanit, Inzaghi, përcjell ORAinfo.

Një rast i artë për “Super Pippo”

Në një prej aksioneve të para të ndeshjes, Mattia Cassani kombinoi bukur me Inzaghin dhe i krijoi sulmuesit një mundësi ideale brenda zonës.

Inzaghi, i cili gjatë karrierës së tij ishte i njohur pikërisht për pozicionimin dhe instinktin në zonën e rreptësisë, e kishte gjetur hapësirën në mënyrë perfekte. Megjithatë, goditja e tij përfundoi jashtë kuadratit.

Sì, Pippo Inzaghi ha sbagliato QUESTO gol 😳❌

Segui The Last Match – Miccoli Legends Game LIVE e GRATUITAMENTE su #DAZN https://t.co/JIvlEmLCF3

— DAZN Italia (@DAZN_IT) September 26, 2026Vetë Inzaghi dukej i habitur pas rastit të humbur. Për një sulmues që ndërtoi një pjesë të madhe të reputacionit të tij mbi aftësinë për të qenë në vendin e duhur në momentin e duhur, ky ishte një rast që me siguri do të preferonte ta harronte.

Megjithatë, rikthimi i tij në fushë solli nostalgji për tifozët e Milanit dhe të futbollit italian, të cilët patën mundësinë të shihnin sërish në aksion një prej golashënuesve më karakteristikë të brezit të tij. /ORAinfo/