Kryetari i Federatës së Futbollit të Kosovës, Agim Ademi sërish ka potencuar se nuk e ka ndërmend të japë dorëheqje, pavarësisht presionit që ka muajt e fundit për zhvillimet e ndryshme në futbollin kosovar.
I ftuar në RTK, mbrëmë, Agim Ademi ka potencuar se nuk e ka ndërmend, as nuk do ta ketë, dorëheqjen e tij nga posti i kryetarit të FFK’së, përcjell GazetaBlic Sport.
“E kam thënë publikisht, po e them edhe tash. Asnjëherë Agim Ademi nuk jep dorëheqje, asnjëherë. Unë i bindem votës së delegatëve. Për media që shkruajnë e bëjnë sharje fyerje, ato janë diçka tjetër, por derisa të më votojnë unë do rri në FFK dhe derisa e shoh që kam çka të japë për futbollin e Kosovës”, tha ndër të tjera Agim Ademi.
/GazetaBlic Sport
