Bruno Fernandes ka zbuluar se kishte “oferta konkrete” për t’u larguar nga Manchester United përpara se të vendoste të zgjaste kontratën me klubin.
Fernandes ka nënshkruar një zgjatje të kontratës për një vit që do ta mbajë atë në Old Trafford deri në vitin 2027, me një opsion për një vit tjetër, transmeton GazetaBlic Sport.
Por mesfushori portugez zbuloi se përpara se të vendoste të qëndronte, kishte një opsion për t’u larguar nga klubi këtë verë.
“Kjo votë besimi nga klubi ishte shumë e rëndësishme për mua”, tha Fernandes për ESPN Brasil.
“Edhe pse u afrova (nga klube të tjera), klubi ishte i vetëdijshëm se kishte një mundësi për t’u larguar, unë kisha propozime konkrete. Por klubi tregoi se kishte nevojë për mua, se ishte në një moment ndryshimi dhe se dëshironte për t’i bërë gjërat ndryshe”, shtoi portugezi.
/ GazetaBlic Sport.