Ylli i futbollit brazilian Neymar për pak sa nuk përfundoi në kampionët rekord gjerman FC Bayern.
“Kam menduar për këtë,” pranoi Neymar të enjten në një intervistë gati dy-orëshe me podkastin “Podpah” dhe zbuloi sekretin e tij të mbajtur prej kohësh për FC Bayern me detaje kurioze.
Gjithçka filloi me një vizitë të Pep Guardiolës në janar 2013 në prag të Gala-së Botërore të Futbollistëve në një dhomë hoteli në Cyrih. “Unë hap derën e dhomës sime, duke veshur vetëm mbathjet e mia dhe një bluzë, dhe Guardiola dhe babai im qëndrojnë para meje”, tha golashënuesi rekord i “Selecaos”.
Dhe më pas ai dëgjoi nga trajneri i suksesshëm spanjoll duke i thënë: “Dua të të marr me vete kudo që të shkoj”, përcjellë KosovaPress.
Guardiola, i cili ishte në mes të pushimit njëvjeçar pas katër viteve të suksesshme në Barcelonë, donte ta bënte atë futbollistin më të mirë në botë dhe i premtoi 60 gola në vit. “Kjo më bëri të lëkundem”, pranoi Neymar, i cili tashmë ua kishte dhënë fjalën katalanasve.
“Doja të luaja me Messin ”, tha artisti i driblimit, i cili tani luan sërish për Santos FC në vendin e tij.
