Trajneri i Milan-it, Ruben Amorim, ka folur në konferencë për shtyp në prag të ndeshjes së kampionatit kundër Venezia-s, e vlefshme për javën e dytë të Serisë A.
– Do të ndryshoni formacion për këtë ndeshje?
“Ne duhet të krijojmë një mekanizëm, duke ruajtur stabilitetin e skuadrës gjatë sezonit. Është e pamundur të luajmë në nivelin që duam nëse në çdo ndeshje luajnë të njëjtët lojtarë. Dhe ne duam të fitojmë tituj, kështu që rotacioni është i nevojshëm. Do të përballemi me kundërshtarë të ndryshëm, kështu që duhet të gjejmë lojtarët e duhur nga ndeshja në ndeshje për t’u përballur me kundërshtarë të ndryshëm”.
– Jeni i gëzuar që po mbyllet merkato?
“Unë jam i kënaqur me këtë ekip. Nuk e di se çfarë do të ndodhë në merkato: nëse do të vijë dikush, do të jetë sepse ky lojtar do të mund të na ndihmojë në të tashmen dhe të ardhmen. Mungojnë edhe disa ditë nga mbyllja e merkatos, më pas do të mund të shpjegohem pa u fshehur”.
– Leao dhe Riçi?
“Leao ka zhvilluar vetëm një stërvitje, nuk është në gjendje të luajë. Unë kërkoj të zgjedh gjithmonë lojtarët më të mirë për çdo ndeshje”.
