Klube nga Arabia Saudite interesohen për Thiago Silvan
Shumë klube nga Arabia Saudite janë të interesuara për ta transferuar mbrojtësin brazilian të Chelseat, Thiago Silva, raporton “football. london” të martën.
Njëri prej klubeve të interesuara është Al-Nassr, ku aktivizohet ylli portugez, Cristiano Ronaldo.
38-vjeçari Silva ka edhe një vit kontratë me skuadrën nga Londra. Por mbetet të shihet nëse trajneri i ardhshëm i Chelseat, Mauricio Pochettino, do ta mbajë edhe më gjatë mbrojtësin me përvojë të Brazilit.
Silva ka qenë i rregullt në edicionin aktual, duke luajtur 34 ndeshje në të gjitha garat. Ai më herët ka luajtur edhe për Milanin dhe PSG-në.
