Kryeministri i Shqipërisë, Edi Rama, ishte mysafir special i Kombëtares shqiptare mbrëmjen e së hënës.
Ai u shfaq pranë ekipit së bashku me Presidentin e FSHF-së, Armand Duka, duke i uruar skuadrës suksese para ndeshjes me Moldavinë, e vlefshme për kualifikueset e “Euro 2024”.
“Jeni vërtetë më të mirë, por atë duhet ta tregoni në fushë. Nuk dua të zgjatem shumë. Dua ta falënderoj edhe një herë kryeministrin që është sot me ne. Duhet të përqendrohemi te Moldavia”, tha Duka shkruna FSHF, pwrfcjell lajmi.net.
Kryeministri Rama tha se futbollistët e Kombëtyaters e kanë nderuar fanellën.
“Ju e keni nderuar këtë fanellë deri tani, e keni rrit shumë stekën dhe pritshmëritë. Në këto ndeshje na keni dhuruar shumë kënaqësi e emocione dhe jam i bindur që do vazhdoni ta bëni”, theksoi Edi Rama.
Kombëtarja e Shqipërisë do t’i zhvillojë dy ndeshje vendimtare ndaj Moldavisë më 17 nëntor dhe Ishujve Faroe më 20 nëntor në kuadër të kualifikimeve për “Euro 2024”.
Shqipërisë i nevojitet vetëm një pikë për ta siguruar një biletë për Evropian. /Lajmi.net/
