Kosova publikoi listën e lojtarëve të ftuar për ndeshjet e tetorit.
Në listën e lojtarëve të ftuar nga Franco Foda ishin edhe tre lojtarët që u përjashtuan në shtator nga FFK dhe trajneri për thyerje të rregullave të grumbullimit, shkruan GazetaBlic Sport.
Edon Zhegrova në një intervistë për Klan Kosova tha se çështja është biseduar me trajnerin dhe se gjithçka është në rregull nga të dy palët.
Zhegrova foli edhe për performancën e tij te Lille ndaj Realit dhe ëndrrën për t’u transferuar te Barcelona.
“Ka qenë ndjenjë e veçantë të gjithë dhanë maksimumin. Ishte ndjenjë e veçantë që e fitova çmimin e lojtarit të ndeshjes, por rëndësi ka që fitoi ekipi.
Jam gjithmonë krenar kur e prezantoi shtetin tim, kur e gjithë bota e njeh Kosovën dhe kjo është krenari për mua.
Besoj që mund ta arrij ëndrrën time [Barcelonën] me punë.
Kemi biseduar me trajnerin e kemi rregullu është gjithçka në rregull”, tha Zhegrova.
/GazetaBlic Sport/
