Vendimi i Gjykatës së Europiane të Drejtësisë në favor të Superligës Europiane, ka sjellë një valë reagimesh në futbollin kontinental. Shumë klube apo kampionate e organizata janë kundër, ndërsa në Itali për momentin mbizotëron heshtja, Kjo, për faktin e thjeshtë se duket që italianët kanë një qasje pozitive ndaj saj.
Sipas agjencisë “ANSA”, presidenti i Napolit, Aurelio De Laurentis, është gati të ulet në tavolinën e bisedimeve me klube të tjera për të marrë pjesë në Superligën Europiane. Ai është shprehur shpesh publikisht pro kësaj ideje dhe me vendimin e sotëm, De Laurentis ka treguar gatishmërinë të jetë pjesë aktive e bisedimeve për turneun e ri potencial që do të konkurrojë me Ligën e Kampioneve por do t’u japë më shumë fuqi klubeve pjesëmarrëse.
Ndërkohë, Juventusi dhe Lacio kanë parë të rriten menjëherë në mënyrë të ndjeshme aksionet e tyre në burse. Bardhezinjtë, të cilët ishin ndër të fundit që braktisën idenë e Superligës, por ishin pjesë e rëndësishme e krijimit të idesë së saj, kanë parë që t’i rritet me 8% vlera e aksioneve në bursë. Ndërsa Lacio, e cila ishte shprehur atëherë e gatshme t’i bashkohej nismës, ka parë të rritet vlera e aksioneve me 6%.
PANORAMASPORT.AL
