Egnatia kualifikohet pa shumë sforcim në çerekfinale të Kupës së Shqipërisë. Kamipionët në fuqi të Superiore mposhtën 4-0 Kastriotin, duke mos e vënë në asnjë moment në diskutim kalimin në raundin e radhës në Kupë.
Rrogozhinasit e shënuan golin e parë që në minutën e 17-të me Aliyev, por nuk pati gol të tjerë në fraksionin hapës. Thellimi i diferencës do të vinte vetëm në minutën e 77-të nga Ndërca, ndërsa në vijim shënuan Leo Melo dhe Doukouo.
Vijon rrugëtimin në çerekfinale edhe Skëndebeu, që iu imponua me rezultat minimal (1-0) Vorës. Golin e vetëm në këtë takim e shënoi Rabiu në minutën e 71-të.
