Sipas raportimeve të mediave ruse, Tottenham Hotspur ka shprehur interes për mbrojtësin Mario Mitaj, i cili aktualisht është ende në pronësi të Lokomotivës së Moskës, por luan me ekipin saudit Al Ittihad. Mitaj, një nga mbrojtësit shqiptar më të talentuar, ka shkëlqyer në Arabinë Saudite dhe ka arritur të fitojë vëmendjen e disa klubeve të mëdha evropiane.
Tottenham ka pasur nevojë për forcimin e mbrojtjes së tij, veçanërisht pas disa luhatjeve të performancës gjatë këtij sezoni. Mitaj është njohur për aftësitë e tij mbrojtëse, guximin dhe kontrollin e duhur të topit, duke u bërë një objektiv i mundshëm për klubin londinez, i cili kërkon të rritë konkurrencën në mbrojtje.
Megjithëse është ende nën kontratë me Lokomotiv Moskën, ai ka kaluar një periudhë të suksesshme me Al Ittihad, ku ka luajtur rregullisht dhe ka kontribuar ndjeshëm në rezultate.
Sipas raportimeve, Tottenham mund të ofrojë një marrëveshje të mundshme për ta transferuar atë në Premier League, ndërsa babai i tij ka thënë se ky interesim nuk është ende zyrtar.
