Skuadra simpatike kosovare, KF Dukagjini pas përfundimit të sezonit 2023/24 ka ndarë rrugët me trajnerin Armend Dallku.
Megjithatë, kryesia e klubit ka filluar menjëherë të mendojë për trajnerin e ri të ekipit.
Burimet e GazetaBlic Sport afër klubit nga Klina mësojnë se Dukagjini është shumë afër të arrijë marrëveshje me trajnerin Ismet Munishi.
Klubi i Dukagjinit pëlqen trajnerin e njohur kosovar dhe bisedimet e para tashmë janë zhvilluar, teksa marrëveshja nuk duket larg, por që nuk është finalizuar ende.
Nëse gjithçka shkon siç duhet, atëherë sot do të ndodhë zyrtarizimi.
Kujtojmë se Munishi pushoi pak në sezonin e fundit, teksa pas largimit nuk pranoi të merrte asnjë klub.
/GazetaBlic Sport/
